Jowai, Nailar 01: Ka lympung ïalehkai phutbol bala tip kum ka “Independence Day Cup” na bynta kiba hapoh 17 snem (Under-17 Football Tournament), 2024 bala pynïaid da ka West Jaiñtia District Sports Association (WJDSA) Jowai kaba la sdang ha ka Sngi Palei, ka 01 tarik u Nailai ha madan Kiang Nangbah Stadium Dongmihsngi, Jowai.d
Haba phai sha ka jingïakhun ba nyngkong ha kane ka sngi, la sakhi ïa ka kynhun ïalehkai jong ka Luti Tuber Ialong kaba la pynliem da 3-1 kol ïa ka Katholik Youth Mihmyntdu, ïa ki kol na ka Luti Tuber Ialong la thep da u Hawni Phawa haka minit ba 31 & 40 bad u Deiborpho Lhuid haka minit ba 60+3. Na ka liang ka liang ka Kotholick Youth Mihmyntdu ïa ka shikol la thep da u Honesty Phawa ha ka minit ba 60+1.
Ha ka jingïakhun kaba ar, ka Da I hi Mynsngat kala pynliem da 1-0 kol ïa ka Dongmihsngi, ïa katei ka shikol na ka Da i hi Mynsngat la thep da u Daioshwa Siangshai haka minit ba 29.
Nangta ka 7-Wasa kaba la pynliem da tang 1-0 kol ïa ka Khimusniang, ïa katei ka shikol na bynta ka 7-Wasa la thep da u Kam ohi Biam haka minit ba 27.
Katba ha ka jingïakhun kaba saw ka Mynthong kala pynliem da 2-0 kol ïa ka FAM, ïa kitei ki kol na ka Mynthong la thep da u Chitlang Sumer haka minit ba 7 bad u Da o hi paia Pakem haka minit ba 19.
