Nongpoh, Naitung 03: Ka ophis u District Sports Officer Ri-Bhoi District kala sdang biang ïaka prokram ai jinghikai ïaki heprit naka bynta ka jinglehkai phutbol kaba la tip kum ka Grassroot Football Training naka bynta ki heprit ba naduh kiba 6-12 snem ka rta kynthei bad shynrang haki jaka bapher bapher ha Ri-Bhoi District da ka jingthmu ban sei bad ithuh ïaka sap kyrpang jong ki heprit haka kam ïalehkai phutbol. Ïa katei ka prokram ai jinghikai ïaki heprit la sdang haki jaka bapher bapher ha Ri-Bhoi ba kynthup ha Nongpoh, Umsning, Umroi, Jirang, Bhoirymbong, Mawhati bad Umroi Advance Center, bala plie paidbah ruh haka sngi Saitjaiñ bad katei ka prokram kan long ha man la sngi Thohdieng bad sngi Saitjaiñ naduh ka por 3 baje haduh 5 baje janmiet haka sngi Thohdieng bad 8 baje haduh 10 baje mynstep haka sngi Saitjaiñ.
