Jowai, Nailur 14: Ka Khlachympa Sports & Cultural Club (KCSCC) kala sdang ïa ka 8th Interdong Football Tournament-2025 mynta ka sngi saitjaiñ ïa kane ka jngïalehkai la wan plie pyrda da u ma Lahkmen Rymbui uba dei u Local MLA kum u kongsan ha ryngkat ka jingïadon lang u ma Kat Kassar u Secretary Nongtalang Pyllun kum u Symbud Kongsan ryngkat kiwei de ki riew rangbah hapoh Shnong.
Ka jingïalehkai ha katei ka sngi sdang ka long hapdeng ka New Nonglamin SC pyrshah ïa ka Shnongthymmai SC ha kaba ka New Nonglamin SC kala khur ïa ka nam jop da ka 2-1 kol. Ïa kine ki 2 kol ka New Nonglamin ki wan lyngba u Laiki Nonglamin bad u Ravi Manar, katba ka 1 kol na ka Shnongthymmai SC la thep da u Remiwell Pohchen shwa ban kut ka jngïalehkai.
U namtam ha kane ka jngïalehkai u dei u Tariang Lyngdoh jong ka New Nonglamin SC.
Na ka liang jong u Kongsan ma Lahkmen Rymbui ula noh synñiang sha ka Khlachympa Sports & Cultural Club (KCSCC) Rs.50,000/- (Sanphew hajar) tyngka, kum shi bynta ban ïarap ïa kane ka Club ba kan dang lah ban nang kiew shaphrang ha ki kam jong ka.
