Jowai, Nailur 05: Ïa ka lympung ïalehkai phutbol bala tip kum ka “7th Inter-Dong Football Tournament” bala pynlong da ka Seng Samla Nongtalang Khlachympa Sports and Cultural, Nongtalang, la sdang ha ka Sngi Balang (4 tarik u Nailur, 2024) ha madan jong ka shnong Nongtalang.
Ha kane ka sngi sdang la wan ban plie pyrda ïa ka da u kongsan Dr. Return Pohsnem, ha ka jingdonlang u symbud kongsan ma J. K. Majaw OC ka Dawki Police Station, u ma Hat Pohchen Asst. Headman Nongtalang.
Ha ba phai sha ka jingïalehkai ka Shnongthymmai SC bad ka Banan SC kila poi sha ka jingïakhaid da mar shikol 1-1.
