Shillong, Naitung 5 : Ka GSU Central Body ka la sdang da ka jingïakhih ba khlem buh por ha NEHU Tura Campus naduh ka 4 tarik Naitung 2022 namar ba u Vice Chancellor ka NEHU um shym la pyntreikam ïa ki mat jingdawa jongka.
Ki jingdawa ki long ban thung Account Assistant Registrar, ban thung Pro Vice Chancellor ba pura, ban siew tulop mar ïa ryngkat ïa baroh ki nongtrei ka NEHU, ban buh ïaka NEHU Degree Certificate, NEHU Paper Re-evaluation. Ka GSU ka la rai ban bteng ïa ki jingïakhih tad haduh ban da ïoh ïa kine ki jingdawa jongka lym kumta kan ym sangeh da lei lei ruh ha kane ka kynti. Kane ka long kat kum ka jingpyllait khubor u President ka GSU u Zikku Balgra N Marak.
