Sdang iaid ki kali na tunnel Sonapyrdi, East Jaintia Hills District wat hapdeng ki jingma

Khliehriat jylliew 20: Ka jinglong jingman ka surok hajan ka tunel ha Sonapyrdi ka dang buh jingma hi ïa ki nongleit nongwan, kumba long mynta ki kali ki la lait ban ïaid tangba ki ïaid da kaba husiar bad peitngor bha namar ka jinghap ka um ktieh bad ki maw ka dang don hi ha katei ka jaka.
Ki thymmei khubor, ki iathuh ba lada ka jinghap slap ka dang bteng ka lah ban jia biang ka jingtwa ka khyndew ktieh bad ka jinghap maw kaba jur ha katei ka jaka ha Sonapyrdi.
Kumta na ka liang ki bor district bad ki bor pulit jong ka East Jaiñtia Hills District, ki kyntu ïa ki nongleit nongwan ba kin kiar ban iaid na kane ka surok NH-6 na Narpuh namar ka surok dang buh jingma bad buh jingeh ïa ki kali ban iaid na katei ka jaka bad la kyntu ruh ba kin wad noh da kiwei pat ki lynti ban iaid.
Ha kajuh ka por, na ka liang ki nongtrei jong ka NHAI ki dang trei shaid shaid ban pynkhuid ïa ka surok bad ka jingtrei ka long ha baroh 24 kynta khlem sangeh