Sdang ai tika ki shipai ïa baroh ki Agniveer, hadien ka khlad ar ngut na ka jingpang Meningococcal

Shillong, Lber 01: Na ka liang jong ki shipai ki la sdang ban ai tika ïa baroh ki Agniveer ha Assam Regiment Centre bad ïa ki nongtrei ka koit ka khiah ha Shillong Military Hospital hadien ka jingkhlad dang shen jong ar ngut ki samla Aginiveer kiba shah hikai pyntbit na ka daw ka jingpang Meningococcal.
“Ki nongtrei ka koit ka khiah & ki briew kiba ïajan bad kiba suba ba don ïa katei ka jingpang ki dang ïaid shaphrang mynta ka sngi ha Assam Regimental Centre, 58 GTC & MH Shillong mynta ka sngi” la pyntip u PRO.
La ioh ïa ki jingai dawai kiba donkam & ka jingai tika na ka bynta baroh ki Agniveer.Ha Assam Regimental Centre ym shym la don satia ki briew kiba la suba ba ki ioh ïa ka jingpang Meningococcal.
Ka jingpeitngor ba bniah bad kaba jan ka dang ïaid sha khmat da ki bor pynïaid ka koit ka khiah jong ki shipai bad kam don satia kano kano ban sngewkhia ha kaba ïadei bad kane ka bynta.