Shillong, Rymphang 03: Ka Nongpdeng CC ka la lah ba kan pynliem da 6 wiket ïa ka Occult ha ka lympung Shillong Cricket League Second Division 2024-25 jong ka Shillong Cricket Association hynne ka sngi Nyngkong.
Haba phai sha ka jingïalehkai, ka Nongpdeng ka la sdang ban bol nyngkong hadien ba jop ïa ka toss, bad na ka liang jong ka Occult ka la ïohlad ban kamai tang 94 ron haduh kaba kut jong ka 20 over bad khyllem 9 wiket.
Kiba la seisoh ha ka tied ki long u Marty Mustafa (19 ron naki 29 bol) bad u Ranjan Rai (16 ron naki 16 bol). Napdeng ki rangkawang bol ka liang pyrshah, u Wanbor Lamare u la khur 2 wiket naki 4 over bad shah tied 25 ron naki bol jong u, katba uBanteilang Kharjana u la khur 1 wiket naki 4 over bad shah tied 15 ron.
Haba beh ïa ka thong, ka Nongpdeng ka la lah ban kymjoh 95 ron da kaba khyllem tang 4 wiket naki 18.4 over. U Damonlang Sun u la kamai 26 ron naki 47 bol, nangta u Maitshaprang Khongjee u la kamai 21 ron naki 23 bol, kaba la kyrshan borbah ïa ka kynhun ban jop da 6 wiket. ïa ka nam Player of the Match la khur da u Nerykupar Dkhar.
