SCA Cricket League Super Division 2026: Pynthut u slap ïa ka jingïalehkai hapdeng ka Sporting Cricket Club bad ka NFU

SHILLONG, Rymphang 25: Ka Shillong Cricket Association (SCA) ka la hap ban pynsangeh noh ïa ka jingïalehkai hapdeng ka Sporting Cricket Club bad ka NFU hynne ka sngi Balang ha ka lympung Shillong Cricket League Super Division 2026 hadien ka jingshah pynthut u slap kaba la pynlong ïa ki katto katne ki bynta jong ka madan ban sngem.
Shuwa ba ki nongpynïaid kin pynsangeh ïa ka jingïalehkai, ka Sporting Cricket Club ka la ïohlad ban pyndep ïa ka pali tied jong ka da kaba kamai 187 ron haki 41 ober, bad khyllem 8 wiket. La lamkhmat ïa ka tied da u Ankit Yadav (42 ron naki 58 bol) bad u Rupom Dey (32 ron naki 68 bol).
U Laxman Gurung (2/15 naki 6 ober) bad u Bharat Gurung (2/29 naki 9 ober) nongkawang bol jong ka NFU, ki la ïoh ban shim mar ar wiket.
Nangta ka NFU ka la ïohlad ban tied tang 4 ober bad kamai 16 ron ba la noh synñiang da u Trejosh Dey (9 ron naki 16 bol) bad u Binayak Mandal (1 ron naki 8 bol).