Shillong, Jylliew 15 : U Bah PT Swakmie, MLA barim hynne ka sngi u la pynpaw ba ki paidbah ka jylla ki la mih shakhmat ban pyrta jam, wat pynlehraiñ ïa ka jylla Meghalaya.
“Ki paidbah ka jylla ki la mih shakhmat ban pyrta jam, wat pynlehraiñ ïa ka jylla jongngi, katno ka long kaba pynkmen ban ïohi baroh ngi ïa long kawei halor ka jingshah kren beiñ ha ki bahaïing hasem u Raja Raghuvanshi bad ka Sonam, ha ki National News, ki briew nabar, mynta ka kyrtoh kylla sha ki,” ong u Bah Sawkmie.
U ong ruh, “Kaba sngewkmen ban ïohi baroh ki nongshong shnong ki ïa mih ryntih shakhmat, naduh ki sengbhalang, ki longkmie long kpa ban dawa phah panmap na kito kiba la pynlehraiñ ïa ka jylla jong ngi.”
“Kane ka paw ba mangi ki nongshong shnong ka Meghalaya ngi ieit ïa la ka jong ka jylla bad lada don mano mano bapynjah burom ngin ym aili satia” ong u bah Sawkmie.
