Shillong, Iaiong 28 : U Bah Sanbor Shullai uba dei u MLA ka South Shillong Constituency, u Myntri sorkar bad u Chairman ka Monitoring Cum Implementation Committee (CMCIC) mynta ka sngi u la sam jingïarap sha ki kynhun bapher bapher kiba don hapoh ka Constituency jongu kaba la kot 2.60 lak tyngka kaba dei na ka Discretionary Grant 2-22-23.
Kine ki phra tylli ki kynhun ki dei kiba trei mon sngewbha ban pynlong ïa ki prokram bapher bapher na ka bynta ki samla pule, ki samla bad ki paidbah ruh. Ka jingïarap sha kine ki kynhun ki long 50 hajar ia ka Society for Empowerment Education and Development (SEED) Jhalupara, 50 hajar tyngka ïa ka Harijan Community Welfare Society 29 Cantonment Anjalee Area, 30 hajar ïa ka Five Star Club Mynsain, Lumparing, 30 hajar ïa ka Nepali Sahitya Parishad Jhalupara, 30 hajar ïa ka Lumparing Women’s Cultural Society Mynsain Lumparing, 30 hajar ïa ka Muay Thai Association of Meghalaya Madan Laban,20 hajar ïa ka East Khasi Hills Taxi Welfare Association Laban Last Stop bad 20 hajar ïa ka ka Symbol of Sneh Society, Rilbong, Shillong.
