Shillong, Risaw, 26: Ka Shillong Science Centre ka la pynlong ïa ka aïom Science Autumn Camp 2025 kaba la lai sngi kaba la kut noh ha ka sngi Palei.
Ha kane ka prokram la ïashim bynta da ki 150 ngut ki khynnah skul na ki District bapher bapher kiba la ïoh ïa ka jinghikai shaphang katto katne ki bynta kiba long kum ka Computer Programming, Electronic, Chemistry bad Physics.
La ïasnoh kti lang ruh da ka North Eastern Space Applications Centre (NESAC) Umïam kaba ka la ai jinghikai ïa ki khynnah skul ha kaba ïadei bad ka Astronomy lyngba ka “Space on Wheel” ba la wanrah ka phyllaw jong ka Shillong Science Centre.
Ka Science ka la ai jingïarap bad ai mynsiem shibun eh ïa ki khynnah ban pule ïa ka Saïan lyngba ki jingshemphang, khnang ban kin nang lah ban ngam jylliew ha ka jingsngwtynnad ïa ka sobjek saïan.
