Khliehriat iaiong 14: Namar ka jingtwa khyndew ha kiba bun ki bynta jong ka surok National Highway-6 ha Ratacherra, Kuliang, Dona ter ter, da ki phew hajar tylli ki kali ba kyntuhup ki kali heh bad ki kali rit ki la sahkut ha ka jingdheng kali naduh ka por kumba 6.30 mynne mynstep bad haduh ba thoh ïa kane ka khubor ki kali kim pat lait ban iaid.
Ka khyndew ba twa, ki dieng heh, ki dieng rit, ki maw ba heh bad ki maw ba rit ki la shu syntuid nalor ki lum beit ha surok bah bad kah lynti ïa ki kali ban iaid bad ki briew kiba iaid da ka kajt ruh kim lait shuh wat tang bam jam.
Watla ki nongtrei jong ka National Highway Authority of India mar mar ki la pynpoi ïa ki kor ki bor bad ki pulit jong ka Ratacherra, pulit Umkiang ki la shim khia ban trei ïa ka kam hynrei ym shym la lah ban leh eiei ïa ka jingjur ka dheng kali namar ka jingjur palat ka jinghap, jingsyntuid ka khyndew.
Kane ka jinghap jingsyntuid ka khyndew mynta ka buh jingma ïa ki iïng ki sem kiba don harud kane ka surok national highway, namar ka jingther jur u slap kaba naduh hynnin ka miet.
Kane ka surok NH-6 East Jaintia Hills District ka dei ka surok kaba ki kali kiba na baroh ki thaiñ shatei lam mih ngi ki iaid na kane ka surok, kum ki kali kiba na Assam, Agartala, Mizoram, Manipur,Arnachal bad kiwei kiwei ki jylla mynta ki kali ki dang sah kut ha kane ka surok.
