Shillong, Nailar, 02: Namar ka jingkynduh jingeh jong ki samla pule kiba hap ban ïakhun ïa ka eksamin CUET Under Graduate, ka Khasi Students Union NEHU UNit ha ka sngi baar ka la ïakynduh ïa u Controller of Examination jong ka skulbah NEHU.
Ka Seng hapoh ka jingïalam jong u General Secretary u Samla Shibaitlang Rymbai ki la wad ïa ka jingtip kabaa bniah na u Controller of Examination (CoE) ban ïoh jingpynshai halor ka jingbym mih ki Examination Centre ha ki Admit Card jong ki samla pule kiba hap ban ïakhun ïa ka CUET UG.
Ha kane ka jing ïakren, u CoE u la pynshai ba ïa ki Admit Card ki samla pule ki donkam ban sei (download) biang ar sngi ne lai sngi shuwa ka eksamin bad ha katei ka Admit Card kin sa thoh ïa ki Examination Centre ka jong ki.
Ka KSU Nehu ka pyntip ruh ba lada ki samla pule ki kynduh jingeh halor kane ka bynta ki lah ruh ban telephone ha u nombar 8974587275, 8414965903, 6033301084, 6009339731.
