Sa ha West Jaiñtia leit ai jingmut ka KSU ban pynkylla ïa ka rukom thungkam ka DSC

Jowai, Risaw 14: Ka Employment Monitoring Cell ka Khasi Students’ Union (KSU) West Jaiñtia Hills District Unit mynta ka sngi 14 tarik u Risaw kala leit ban ai jingmut ha khmat u Chairman ban saiñdur thymmai ka District Selection Committee ha WJHD halor ki Khat hynñiew (17) tylli ki mat jingdawa.
Ha kane ka sngi la lamkhmat da u Samla Laitphar Syngkrem President bad u Samla Leningrad Tariang General Secretary lem bad ki dkhot ban leit buh ïa kitei ki 17 tylli ki mat ban saiñdur thymmai ïaka District Selection Committee ka District haka kong H.M.L. Kynta, MCS Additional Deputy Commissioner WJHD namar u DC ym shim la don.
Ka nongrim jong ka jingleit ai jingmut bad dawa ka seng ka long ban don ka jingthung kam thung jam ba khuid wat ha ki District ruh lyngba ka DSC kaba dei ka statutory body ban leh ïaki recruitment ha ki department ba pher bapher jong ka sorkar jylla hapoh ka District.
Ka seng ka la ïoh ban pynsngew ïa kine ki 17 tylli ki mat kiba kynthup kaba nyngkong ka long naduh ka jingjied ïaki dkhot ka DSC ba kim dei ban don liang ne kim dei ban shah liang bad ba ki dkhot ka DSC hi ki dei ban don noh ka qualification kaba biang.
Kaba ar ka long halor ka jing pyllait paidbah ïaki jingdon jingem ki dkhot ka DSC ba la shah thung.
Kaba lai ka long ba ki nong aplai lane ki candidate ki dei ban long ki trai shnong ka jylla Meghalaya bad kiba la pliah ban kren iaka ktien kmie bad ktien Khasi ha ki jong ki District.
Kaba saw ka long ban pynduh noh ïaka thung kam lyngba ka Adhoc, Casual appointment bad ruh contractual halor ka nongrim na kum kine ki jait thung kam ka long kaba pyrshah ïaka guideline ka Department of Personal Reform Govt. of Meghalaya
Kaba san ka long ban pynduh shisyndon ïaka personal interview ha ki post Grade B C bad D halor ka nongrim ba ka jingrung tuh lane thung kam bym khuid ka jur bha lyngba ka personal interview.
Kaba hynriew ka long halor ban pyni paidbah ïaki marks jong ki nong apply kam halor ka nongrim ban wanrah ïaka jingkhuid jingsuba haka thungkam bad ruh khamtam ba ka DSC hi kan lait na ka jingshah kynnoh.
Kaba hynniew ka long halor ki roll number jong ki nongthep kam kim dei ban kylla hapdeng ka recruitment.
Kaba phra ka long halor ban ai da ki carbon copy jong ki OMR sheet sha ki candidate
Kaba khyndai ban pyllait paidbah ïaki answer key hadein ka exam hapoh ka por ba biang ba ki nongthep kam kin lah ban nujor bad aireng ïaka answer key.
Kaba shiphew ka long halor ba ka jingthep kam lane recruitment yn pyndep hapoh 6 bnai naduh ba lah advertise ïaki post
Kaba khatwei ban pynduh shisyndon ïaka Personal interview haki post grade B,C bad D.
Kaba khatar ka long halor ban ai ïaka kaiphod lane annual report daka DSC.
Kaba khatlai ba ki question papers kin hap long confidential ban lait na ka leakage ki exam question paper
Kaba khatsaw ba ka DSC ka dei ban don ïaka Grievances Cell khnang ba ki candidate kin lah ban complaint.
Kaba khatsan ba ha ki por ban wan ki exam dei ban leh noh daka CBT Computer Based Test.
Kaba khat hynriew ba haka por ba thoh exam ka internet services dei ban pynduh.
Kaba khat hynñiew ka long ba dei ban buh ïaki CCTV camera hapoh ki exam hall.
Kine ki long ki jingai jingmut bala dep na ka seng sha u Chairman ka DSC. Na ka liang u Chairman u la ong ba ïaki ba lah ban leh ha District Level kin shim ki jingmut jong ka seng bad ki bym don pat ha ka bor jong u yn forward pat sha ka sorkar jylla lyngba ka Personal Department.