Shillong, Naiwieng, 24: U Secretary ka tnat Kam Pohing ka Sorkar Jylla u Bah Cyril V.D. Diengdoh u la pyntip ka jingkhang ïa ka mobile Internet bad Data Service kan dang ïai bteng na ka bynta 48 kynta naduh ka por 10:30 baje mynstep jong ka 24 tarik mynta u bnai hadien ba la khang ïa ka mobile internet naduh ka sngi Baar hadien ka jingshah siat ïap jong ki san ngut ki nongshong shnong jong ka shnong Mukroh, West Jaiñtia Hills Distirct ha ka 22 tarik mynta u bnai.
Katkum ka hukum, u Secretary ka tnat Kam Pohing u la pyntip ka jingkhang ïa ka internet ka long hadien ba la ïoh ïa ka kaiphod na ka Police Headquarter halor ka jingshah wiangding jong kawei ka kali kaba don ïa u registration number jong ka jylla Assam ha nongbah Shillong bad ki jingshah pynjulor jong ki kali ha ki katto katne ki bynta jong ka rilum Jaiñtia.
