Ryngkat ki dur pynshisha ki paidbah na Garo Hills ba jyllei ka jingtih bad shalan dewïong be-aiñ

Shillong, Jylliew 12: Ki katto katne ngut ki riewpaidbah hapoh ka jingïalam u Karak R Sangma ki la ujor da ka moktduma da ka MC (PIL)) khmat ka High Court (HC) of Meghalaya pyrshah ïa ka sorkar jylla halor ka jingkynrei ki kam tih bad shalan be-aiñ ïa u dewïong ha ki bynta ka South Garo Hills bad East gaor Hills.
Na ka liang ki nongujor ha ka application ba ki la ai ha ka kashari jong ki lai ngut ki nongbishar ba kynthup ïa u Chief Justice ka HC u Justice Sanjib Banarjee, u Justice HS Thangkhiew bad u Justice W Diengdoh ki la suh lang ruh bad ki dur ban pynhsisha ïa kane ka kam tih bad shalan be-aiñ ïa u dewïong ka dang ïaid haduh kine ki sngi.
Haba shim bishar na ka liang ka kashari ka la ong ha ka hukum ba la pynmih ba ha kine ki dur kiba la aiti la ïohi pylleeiñ ïa ka jinglumthup ïa u dewïong, ka jingïeng laiñ ki trok kit dewïong ha kaba wat ïa u number kali ruh lah ban ithuh shai kdar bad na ka liang ka kashari ka la bthah ïa u Director General of Police ba un leh ïa kaba donkam ban teh lakam ïa kane bad lada donkam ban khot ruh ïa kine ki riew paidbah kiba la ujor ban pan sabut ïa kane.
“Ha ka jingujor la ïohi pylleiñ pylleiñ ym tang ba ka don ka jingtih be-aiñ bad ka jingshalan ïa u dewïong ka dang bteng hynrei la ïoh ruh ba ba ki bor sysnhar ba dei ban peit kim shym la leh eiei ïa kane ban tehlakam ïa kane ka kam be-aiñ,” ong ka hukum.
“Namar kane ka jingujor ka la lah ban ai jinghun ïa ka kashari ïa kane ka jingujor la pynwai noh bad la ailad ïa ki nongwanrah ujor ba kin ai ïa ki affidavit ne ki jingtip sha ka kasahri halor klane,” ong ka hukum.