Shillong, K’ Lyngkot 21: Ïa ka business advisory committee jong ka Meghalaya Assembly la dep ban thaw thymmai biang ha shwa ban wan ka Dorbar Mang tyngka jong mynta u snem.
Ïa kane ka committee yn bteng ban ïalam da u Lamphang ka Ïing Dorbar Thaw aiñ ka jylla u Thomas A Sangma, kum u Chairman.
Ki dkhot ki kynthup ïa u Symbud Myntri Rangbah u Bah Prestone Tynsong, uba khmih ïa ka Parliamentary Affairs, u Nongïalam ka liang pyrshah u Dr Mukul Sangma bad u Opposition Chief Whip u Bah Charles Pyngrope. Ka jingkylla hangne ka long tang ka jingpynrung noh ïa u Bah Paul Lyngdoh ha ka jaka jong u Myntri ka sorkar jylla u Bah Lahkmen Rymbui.
