Jowai, Nailur 30: Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long mynta ka sngi 30 tarik Nailur haka jingïakhun Quarter Final ha madan Artificial Diengshynrum, Khliehriat.
Haba phai sha ka jingïakhun ka Rymbai Synrang Shahkhain SC kala jop da 3-0 kol ïaka Rymbai Wahshnong SC. Ïa kitei ki lai kol naka Rymbai Synrang Shahkhain SC la thep da u Lalgugin Latjem haka minit ba 28, u Ferdinand Nongtdu haka minit ba 84 bad u Seigaohao Dimngel haka minit ba 90+6. Lyngba kane ka jingjop ka Rymbai Synrang Shahkhain SC kala ïoh ban rung sha ka Semi Final jong ka lympung ïalehkai 1st Division ka EJHDFA.
Ka jingïakhun Quarter Final lashai ka sngi 1 tarik u Risaw kan long hapdeng ka Musniang SC pyrshah ïaka Khliehriat West YWSC haka por 2 baje nohphai sngi.
