Jowai, Nailur 29: Ka resol jong ka lympung ïalehkai phutbol jong ka kyrdan First Division League 2025 bala pynïaid daka East Jaiñtia Hills District Football Association (EJHDFA) kaba la long hynne ka Lah Sngi U Blei, 29 tarik Nailur, 2025, haka jingïakhunïa ka Quarter Final ha madan Artificial Diengshynrum, Khliehriat.
Haba phai sha ka jingïakhun kaba nyngkong jong kane ka sngi la sakhi ïa ka Byndihati CSC kaba la khur ïa ka jingjop hadien ba pynliem noh da 3-1 kol ïaka Rymbai Madanpynriang SC. ïa ki kol naka Byndihati CSC la thep da u Tenligent Dkhar haka minit ba 32, u Lungouhao Hangshing haka minit ba 42 bad ka (Penalty) haka minit ba 90+3. Ïa ka shikol naka Rymbai Madanpynriang SC la thep da u Rapporme Dkhar haka minit ba 63.
Hapdeng ka jingïalehkai jong kine ki ar liang mamla kila ïoh pdiang mar kawei ka double caution. Lyngba kane ka jingjop ka Byndihati CSC kala long ka kynhun ba nyngkong ban ïoh rung sha ka Semi Final jong ka lympung ïalehkai 1st Division Ka EJHDFA mynta u snem.
Ka jingïakhun Quarter Final ha kane ka sngi Ba ar, 30 tarik Nailur, kan long hapdeng ka R. Synrang Shahkhai SC pyrshah ïaka R. Wahshnong SC haka por 2 baje nohphai sngi.
