Jowai, Rymphang 15: Ka Dorbar Shnong Pdengshakap kaba pynïaid ïaka jingïalehkai Football ïakaba la tip kum ka 12th Secondary School Football Knock-out Tournament 2025-26, ha madan Pdengshakap, West Jaiñtia Hills.
Ha kane ka sngi saitjaiñ la ïoh ban pynïalehkai da artylli ki jingïakhun, haka jingïalehkai ba nongkong ka Rymbai Shkenshynriah SC kala jop ïaka Shkenpyrsit SC da 3-0 kol, ïaki kol na ka Rymbai Shkenshynriah SC la ïoh ban thep da u Hesmiki Rymbai haka minit kaba 8 bad u Batifer Swer haka minit kaba 55 bad 62.
Haka jingïalehkai kaba ar pat ka Kemidon FC kala lah ban pynliem noh ïaka YFC Trangblang da 3-0, ïaki kol jong ka Kemidon FC la ïoh ban thep da u Freddie Tariang haka minit kaba 45, u Khraw Nongbri haka minit kaba 57 bad u Chibaitki Pamtheid haka minit kaba 60.
Naka liang jong ka Tournament Committee kan bteng biang ïaka jingïalehkai haka 21 tarik (Sngi Saitjaiñ) ka jingïalehkai haka por 12 baje shiteng sngi ka ban dei ka jingïalehkai 2nd round ba khadduh ka Sengkhihlang FC pyrshah ïaka One Soul Utd Pdengkarong, katba haka por 2 baje nohphai sngi ka jingïalehkai Quarter Final kan long ha pdeng ka AMJ The Boy’s pyrshah ïaka Rilum Hynñiew Trep FC.
