Jowai, Nailur 29: Ka lympung ïalehkai phutbol jong ka Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills mynta ka sngi 29 tarik ha ka jingïakhun 3rd Semi Final Eliminator ha madan Wahiajer Multi-Sports Complex.
Haba phai sha sha ka jingïakhun ka Lumphyrnai Sohphoh kala pynliem da 3-1 kol ïaka Nongkhroh Rim lyngba ka jingïashut Tie Breaker, hadien ka jingïakhaid jong ki da mar shikol (1-1), ïa ka shikol na ka Lumphyrnai Sohphoh la thep da u Wellson Suting haka minit ba 44, katba na ka Nongkhroh rim la thep da u Pynbiang Nongrum haka minit ba 74.
Da kane ka jingjop jong ka Lumphyrnai Sohphoh kala ïoh ban rung sha ka Final jong kane ka lympung da kaba yn ïaknieh ïa ka nam lahduh hapdeng ka Mukhla Raij haka 7 tarik u Risaw haka por 1 baje shiteng nohphai sngi.
La pyntip ka jingïakhun 1st Semi Final jong ka kyrdan 2nd Division kan long lashai ka sngi 30 tarik haka por 2 baje nohphai sngi hapdeng ka Maia Club Umjlasiaw pyrshah ïaka Iawpynsin Wahiajer.
