Jowai, Lber 29 : Ka Dorbar Shnong Pdengshakap kaba pynïaid ïaka jingïalehkai football jong ka ïa kaba la tip kum ka 12th Secondary School Football Knock-out Tournament 2025-26, kala ïoh ban pynïalehkai ïaka Semi-Final ba ar ha pdeng ka Border Line FC pyrshah ïaka Rymbai Shkenshynriah SC.
Hapdeng jong ka jingïalehkai ka Border Line Fc kala lah ban pynliem noh ïaka Rymbai Shkenshynriah SC da 2-0 kol, ïa kine ki ar kol la ïoh ban thep da u Sumar Suting haka minit kaba 34 bad u Just Tham haka minit kaba 58.
Kum ban shu pynkynmaw ba ki teams kiba la ïoh rung sha ka Final jong kane ka Tournament ki long ka Kemidon FC bad ka Border Line FC.
Te naka liang jong ka Tournament Committee kan pynïalehkai noh ïaka Final haka 4-4-2026 haka por 1 baje nohphai sngi hapdeng ka Kemidon Fc pyrshah ïaka Border Line FC.
Sa shisien la khot bad wer lang ïa baroh ki pait ieit football jong ka thaiñ ban wan sakhi lang ïakane ka jingïalehkai Final.
