Jowai, Naiwieng 22: Ka kynhun ïalehkai jong ka Sutnga SSCC kala ïoh ban buh jaka ïalade ha ka phainal jong ka lympung phutbol ‘Super Division Football Tournament-2025’, kaba la tip kum ka 5th Kyrmen Shylla Contribution Trophy, ba la pynïaid daka East Jaiñtia Hills District Football Association (EJHDFA).
ïa kane la pynthikna hadien ba ka Sutnga SSCC kala lah ban pynliem noh da 6-5 ïaka Diengshynrum SC lyngba ka jingïashut Tie Breaker, ha ka jingïakhun kaba la long ha ka sngi Saitjaiñ ha madan Artificial Turf, Diengshynrum, Khliehriat. Kadaw kaba la pynlong ïa kane ka jingïakhun ban jam sha ka tie breaker kadei hadien ba ki la ïakhaid da mar 2-2 kol ha ka por ba la mang.
Haba phai sha ka jingïakhun, ka Sutnga SSCC ka la buh ïalade ha ka jingkyrmen kaba skhem da kaba lamkhmat 2 kol lyngba u Ker Syrti haka minit ba 26 bad u Niponghi Sumer haka minit ba 27. Hynrei ka Diengshynrum SC ka la pynduna ïa ka kol lamkhmat da 2-1 ha ka minit kaba 30 lyngba u Rumi Lyngdoh.
Nangta ha ka kylla miet u Manfull Rupsi u la pynïakhaid na ka bynta ka Diengshynrum da kaba pynkhihjar ha ka minit kaba 83, bad kane ka la pynbor ïa ka jingïakhun ban jam sha ka tie breaker shuwa ba kan mad ïa ka nam rem.
Ha kaba kut jong ka jingïakhun u Niponghi Sumer naka Sutnga SSCC u la ïohpdiang ïa ka khusnam Player of the Match na ka bynta ka jingïalehkai bha jong u ha kane ka jingïakhun.
