Shillong, ïaïong 27: Ka East Garo Hills ka la ïoh rung sha ka final jong ka Under 19 Cricket n ka Zone 2 ba la pyniaid da ka Meghalaya Cricket Association. Ka East Garo ka la pylliem ia ka Tura District Cricket Association da 7 run, kaba dei ka team kaba don ha ka kyrdan baa r.
Ha kajuh ka por ha ka jingialehkai ha Jowai, ka Shillong Cricket Association (A) ka la pylliem ïa ka SCA (B) da 30 run bad kane ka jingjop ka SCA(A) ka la thikna ba kan ïoh rung sha ka final.
Ka top team na ka Zone 2 kan ioh rung beit sha ka final. Hynrei ha ka Zone 2 la phiah ar kynhun bad kan don ka final jong ka zone ha ka 30 tarik mynta u bnai.
Ha ka jingialehkai ha Tura, ka east Garo ka la jop ia ka jingkynting pisa bad ka la tied ban kamai nyngkong. Ha ka ki 25 over ba dei ban ialehkai, ka EGH ka la kamai tang 126 run da kaba hap lut ki wicket tang na ki 22.3 over. Haba beh thong ïa kane ka jingioh kamai ka team na east garo, ka Tura ka la lah ban kamai tang 119 run da kaba hap 8 wicket.
