Jowai, Naiwieng 01: Ka Dulong FC ka la ïoh ban jam sha ka Semi Final haka lympung ïalehkai phutbol jong ka kyrdan 13th Chatister Kharkongor Memorial Trophy 1st Division Football Tournament-2025 bala pynïaid daka West Jaiñtia District Sports Association (WJDSA) ha madan Kiang Nangbah Stadium Dongmihsngi, Jowai.
Kane la pynthikna hadien ba ka la jop ïa ka jingïakhun Semi Final kaba nyngkong kaba la long ha ka sngi Saitjaiñ, 01 tarik Naiwieng, ha kaba ka la pynliem noh da 6-0 kol ïa ka Nangbah Iawmusiang SC.
Ka Dulong FC ka la pyni ïa ka jingthmu ban khur ïa ka jingjop naduh ka kylla step, da kaba lamkhmat haduh 4 kol. Ka kol ba nyngkong ka la wan tang hadien 3 minit lyngba u Sahame Lyngdoh, nangta u Dawanmonmi Mynsong u la thep ïa kaba ar ha ka minit ba 19, bud sa na u Ebenezer Nongrap (24’) bad u Gideon Mukhim (28’).
U Dawanmonmi u la pynjlan ïa ka kol lamkhmat sha ka 5-0 da kaba thep ïa ka kol kaba ar jong u ha ka minit kaba 55, shuwa ba u Iasanlang Dohling un thep ïa kaba khatduh haka minit ba 64.
