Shillong, K’Lyngkot 02: Ki pulit ki la ïathuh ba ha ka 18 tarik mynta u bnai ha ka por 12.30 baje mynstep, katba ki dang pynlong ïa ka jingtalasi, ki la ïoh khangkdong ïa kawei ka kali tourist kaba don u nombar ML-04D-9309 ba la ñiah da u Chemphang Rasmut ba la 43 snem ka rta ha Amlarem Market Junction (WJH) ha ryngkat lang bad 4 ngut kiba la suba ba ki dei ki nong Bangladeshi kiba la kyrteng Saidul Sheik 27 snem ka rta, Lemon Shutdar 24 snem, Rison Hussain ba 18 snem bad Rubel Sheik ba la 27 snem ka rta.
Ha ka por dang tohkit, la sngewthuh shai ba kitei kiba wanrung beaiñ ki la rung sha u pud u sam ka India na Dawki (WJH) da ka jingthmu ba kin leit sha Assam, khlem da ka don ki kot ki sla kiba biang.
