Shillong, Nohprah 07: Ha ka 4 tarik mynta u bnai ha ka por 6.50 baje mynstep, u Bah Ebin Mawa u la pyntip ba ki runar bym lah ban ithuh ki la tuh ïa ka thuk thuk jong u kaba don u nombar ML-05Z-0249 napoh ka ïing jong u kaba ha ka shnong Dhorom, Ichamati (EKH).
Shuh shuh ki pulit ki la ïohpdiang ka jingpyntip ha ka miet jong ka 3 tarik mynta u bnai, ki runar bym lah ban ithuh ki la tuh ïa kawei ka scooter kaba don u nombar ML-05AG-1278 kaba dei trai da ka kong Unity Surong bad kawei ruh ka scooter kaba dang thied thymmai kaba dei trai da u Bah Kitbok Shylla uba na ka shnong Ummulong, ka la shah tuh lang ha kajuh ka sngi.
