Shillong, K’ Lyngkot 19: Ka khubor ba la ïoh na ki pulit la ïathuh ba ka kong Manta Kharpan ka la phah ka jingujor ba ha ka 16 tarik mynta u bnai, ki runar bym lah ban ithuh ki la tuh ïa kawei ka scooter kaba don u nombar ML-05Y-6606 kaba long trai da uba shi para bad ka najan ka jaka sah kaba ha Golf Link, Shillong. Kham hadien ïa ka scooter la shem ba la ieh ha Nongmensong MUDA Lum Phira Lane-8, Shillong.
Ha kawei pat ka jingjia, u Raju Singh u la phah ka jingujor ba ha ka 16 tarik mynta u bnai ha ka por nohphai sngi, ki runar bym lah ban ithuh ki la tuh ïa ka scooter jong u kaba don u nombar ML-05V-5390 na Arbuthnot Road, Laitumkhrah, Shillong.
Shuh shuh ki pulit ki la ïathuh ba ka kong Lajong I Tyngkra ka la phah ka jingujor ba ha ka miet jong ka 16 tarik mynta u bnai, ki runar bym lah ban ithuh ki la tuh ïa ka scooter jong ka kaba don u nombar ML-04E-1159 napoh ka ïingsah jong ka kaba ha shnong Ionglwit, Nongjngi (WJH).
Ha kawei pat ka jingjia u Mechwa Myria ka la phah ka jingujor ba ha ka 17 tarik mynta u bnai ha ka por kumba 4 baje mynstep, ki runar bym lah ban ithuh ki la tuh ïa ka thuk thuk jong u kaba don u nombar ML-05AD-0558 napoh ka ïingsah jong u kaba ha shnong Nartiang (WJH).
