Shillong, K’ Lyngkot 31: Ki pulit ki la ïathuh ba u Sirdar jong ka shnong Smit (EKH) u la ïathuh ba ha ka janmiet jong ka 22 tarik mynta u bnai, ki runar bym lah ban ithuh ki la prong hapoh ka ïing jong ka kong Barihun Mawthoh kaba don ha ka shnong bad ki la tuh ka pisa kumba T. 8 lak.
Ha kawei pat ka jingjia, u Souvik Karmakar u la phah ka jingujor ba ha ka 20 tarik mynta u bnai ha ka por 12.45 nohphai sngi, arngut ki runar bym lah ban ithuh ki la prong hapoh kawei ka dukan kaba ha GS Road, Shillong bad ki la tuh ia 2 tylli ki wristwatche kiba shongdor T. 4,000/-.
