Shillong, Rymphang 05: Na ka liang ki pulit ki la ïathuh ba ka la don ka jingujor ba ha ka 31 tarik u Kyllalyngkot, 2026 ha ka por kumba 8 baje mynstep, ki runar bym lah ban ithuh ki la tuh ïa artylli ki kor um napoh ka Forest Pump House kaba don ha Polo, Shillong.
Ha kawei pat ka jingjia ki pulit ki la ïathuh ba u Ezekiel Sangma u la phah ka jingujor ba ha ka 1 tarik mynta u bnai, ki runar bym lah ban ithuh ki la tuh ïa ka laptop jong u napoh ka ïingsah kaba ha ka shnong Umpling Dongshaneng, Shillong.
Shuh shuh ki pulit ki la ïathuh ba arngut ki nongtrei jong ka Central Water Commission office, Tharia (EKH), ki la ïa ujor lang ba ha ka 2 tarik mynta u bnai, ki runar bym lah ban ithuh ki la tuh haduh 4 tylli ki shuki plastic bad kwei ka tari napoh katei ka ophis treikam.
