RESERVATON POLICY da ka Merit for 80% Indeginous Scheduled Tribe, Meghalaya – Ka jinghikai ban trei shitom bad minot

Haba nga pule ïa ka jingthoh u Samla rangbah Nongïalam Ka VPP – Dr. Batskhem Myrboh ha ka kot khubor ‘Mawphor’ ba 2 tarik u Jylliew, 2023 bad Thomas Passah ka KHNAM – Mawphor 29 Jylliew, 2023, la ai jingshai ba ka tarajur thung kam kat kum ka Population Structure ka la noh shiliang sha ki jaitbynriew Garo kiba don tang kumba 30%, katba ïa ka bhah ai kam la mang haduh 40% . U Khasi – Jaiñtia u la duh nong haduh 6% sha 10% man ka snem ha ki 51 snem. Kane ka dei ka backlog ïa ki Khasi – Pnar. Hynrei ban peit bad ïatai sani ïa ka numerical analysis katkum ka population structure by mother tongue, ki khasi-pnar kiba duh nong ki dang bun lada shu pyndonkam da ka permutation and combination. Ha ka jingpule Technical line, ki Khasi – Pnar ba ïoh marks 80% to 90% ki la shah kyntait sharud ban ai lad ïa ki Garo kiba ïoh marks tang 45% – 50%. Bun na kine ki Garo ki la iehnoh tang shipawa ne shiteng na ki jingpule namar kim lah ban pass ha ki Eksamin jong ka Technical studies ba la bhah ïa ki. La pynsepei ïa ka pisa Sorkar da ki spah klur ha ki 50 snem.
Ka bha ban nym ïa kren jingkheiñ shuh, ïoh nang kulmar khlieh da kita Ki Roster(Retrospective) bad Roster (Prospective). Wat ai lad ruh ïa ki political parties ban ïa wan rah jingkheiñ man ba long Meeting Review of Reservation Policy namar ki ïa pyrkhat nyngkong ïa ka Vote – bank. Ïeng beit ha ka Nongrim 80% reserved for Indigenous Scheduled Tribe of Meghalaya ha baroh ki jingthung kam bad leit pule – based on merit – Hikai ïa baroh ki jaitbynriew ban minot bad trei shitom ha ki jingpule ym ban shu ïa shong kli kti ha ki jingkynoi ka Reservation Policy. Ki Political Parties ki dei ban husiar ban nym pynkhih win ne khie thma sa ïa ki Khasi – Jaiñtia bad Garo kumba la jia ha ka jingïapbriew hapdeng ki Khasi – Jaiñtia bad Bengali ha u snem 1979 &1992, Khasi – Jaiñtia bad Nepali ha ka 1986 – 1987. Ha ka snem 1966, ka la don ka jingsait ki pulit Assam na rum Anjalee sha iewduh (basah ja doh bad basa soh) bad nga don hajan ki rangbah khasi kiba la shah siat bad tuid ka snam, la don na ki kiba la duh noh ïa la ka mynsiem bad katto katne kiba la mynsaw jur. La leit on tep don burom ïa ki mynsiem bakordor ryngkat bad ka procession on tep ba I myllung ha kaba ki nongïalam saiñ hima kiba ïa pyrkhat tang ïa ka vote bank ki la ïa don lang. U snem 1966 un long ruh u ban sah jingkynmaw ïa I (L) Prof. Martin N. Majaw iba la ïalam ban rat diengkhong noh ïa ka ktem ki ‘Ki Thei awria kaba hajan jingkieng Umsohsun kaba ngi ju khot ka UNO. Ka iing ka la ing khait bad mynta ka ïeng ka Dreamland Cinema Hall. U Prof. Martin N. Majaw u la duh ïa ki votes jong ki riew thala ka doh. U late M.N. Majaw u lalong ruh uba la mait lynti bad trei shitom ban pynlong aiñ ïa ka Land Transfer Act kaba la khang ban die jaka ne ing na ki Tribal sha ki Non-Tribal bad kumta ter ter. U la khien duh ïa ki votes Dkhar na ka bynta ka Ri bad ka Jaid bynriew. La dei ban tei ïa u mot bajrong bha jong I Bah Martin N. Majaw ha khmat Soso Tham Auditorium, Shillong.
Nga sngew burom ïa u Chief Minister barim, Dr. D.D. Lapang uba la ong ïa kine ki kyntien ‘Wat thung kam ïa kito kiba ym lah ban pass tang ïa ka Written Examination bad kiba ïoh marks tang below 30%, ïoh Collapse ka administration’. No communalism at the cost of quality administration. Ha ka snem 1992, une u Chief Minister hapdeng ka saw ka sian, u la shim ïa ka rai for a strong and good governance for peace and tranquility. Um shym pyrkhat shuh ïa ka Vote bank jong u kaba la ktah ïa u ban shah rem ha ka MLA Election, 1993. Ka Ri Bhoi ka la babe, hynrei yn leh kumno ba ha kum kato ka por, la shu ong beit ba la bret mawlynnai hakhmat ki sniang. Nga kyrpad ïa ki nongïalam saiñ hima sima (Political leaders) ban nym ïa kren shuh ïa ka Population Structure ne Roster System. Hikai ïa ki khun samla jong ka jaitbynriew scheduled Tribe ka Meghalaya ban minot, trei shitom bad ban nym shang makia ne lapmiet ka shong dukan sha hynrei ban ïa compete para Indigenous Scheduled Tribe of Meghalaya da kaba ïa khun da ka merit jong ka 80% Indigenous Meghalaya Scheduled Tribe na ka bynta ki kam sorkaar bad ki jingpule ha ki tnat Technical line bapher bapher. Hikai bad Trei na ka bynta ka jingbha ka lawei ki khynnah Khasi – Jaiñtia bad Garo ban don ka Competitive Spirit bad ban nym don shuh ka Sub-tribe Reservation within the Umbrella of Schedule Tribe Reservation. Klet noh ïa ka Vote bank lym kumta kan kyrtoh kylla ïa ki khun ki ksiew, ki pyrsa jong nga jong phi.
Ïeng skhem Samla bad Paidbah Khasi – Pnar ban lait na ka raibi ïa um snam kawei hadien kawei. It’s now or never ban lait ïa ka thma ka jingïa um snam. Husiar ho, phi ki nongïalam seng hima – sima (Political leaders) – klet noh ïa ka Vote – bank, pyrkhat nyngkong ïa ka lawei ki khun samla shynrang bad kynthei jong ka jaitbynriew Meghalaya Scheduled Tribe. Do away with sub – tribe Reservation as every Sub – Tribe is having equal rights under Reservation Policy.