Shillong, Nailur 06: Ka kynhun ïalehkai phutbol ki thei ka jylla Meghalaya ki la pynkut ïa ka jingïaid lynti ha ka lympung Sub-Junior Girls’ National Football Championship (Tier 1) 2024, da ka namrem ha ka jingïalehkai kaba khadduh na ka Group B, kata ban shah pynliem noh da 2-0 kol ha ka Gujarat ha Malda, West Bengal ha ka Sngi Thohdieng.
Haba phaidien, ka Meghalaya ka la shah rem nyngkong ha ka Bihar nangta sa ha ka Karnataka kaba la pynlong ïa ka kynhun ban khylliap ïa ka group stage da 0 point.
Kumban shu pynkyn maw ka Meghalaya ka la poi semi final ha u snem ba ladep bad ka la ïoh ruh ban khur ïa ka takma rnong ryngkat (joint bronze) ba la sam sha ki kynhun ba poi sha ka wat ïakhun semi final.
