Rejistar ka HC ïa ka PIL ba mudui pyrshah ïa ka jingtmu ban pynpra ïa ka Circuit House

Shillong, Naiwieng, 14: Ka Ïingbishar Meghalaya High Court ka la rejistar ïa ka Public Interest Litigation (PIL) kaba la mudui pyrshah ïa ka jingthmu ban pynpra ïa ka Circuit House jong ka jylla kaba la tip kum ka ‘Bidhan Bhavan’ lane ka ‘Roy Villah’.
“Da kaba pynshong nongrim ha ka shithi ba la phah ha ka 12.11.2025 sha u Chief Justice, ïa kane ka PIL la register ha kaba ïadei bad kawei ka Building kaba la tip kum ka ‘Bidhan Bhavan’ lane ‘Roy Villah’ , kaba dei mynta ka State Circuit House.”
Ka jingsngewkhia kaba la pynpaw ka long ha kaba ïadei bad ka jingthmu ban pynpra noh ïa katei ka ïing, kaba katkum ka shithi ka dei ka jingtei kaba la rim kaba don ïa ka jingkordor kaba kongsan ha ka histori,” la ong ka Division Bench kaba kynthup ïa u Justice HS Thangkhiew bad u Justice Bhattacharjee ha ka hukum ba la pynmih ha ka sngi Thohdieng(14 tarik u Naiwieng).
Ha ka jingbishar, u AG ba la ïarap da u AH Kharwanlang, u Addl Sr. GA na ka bynta ki nongshah mudui jong ka jylla uba don lang ha ka jingbishar u la aiti ba ka shithi ka don ruh bad u.
U la kyrpad ban aipor ïa u shitaiew ban aiti ai ka jubah, ha kaba ïadei bad ki jingkylli.
U S Chakrawarty, uba dei u Senior Counsel ba la ïarap lang da u ML Nongpiur, u nongsaidai ki la mynjur ban ïarap ïa ka ingbishar kum ki Amicus Curiae, ha kane ka kam.
Ka Bench ka la bthah ba ïa ka kopi jong ka shithi bad kiwei kiwei ki tiar ba don mynta, ban aiti sha u ML Nongpiur, u nongsaidaiñ ha kane ka sngi.
La buh sngi ban bishar biang ïa kane ka kam ha ka 27 tarik, Naiwieng,