Tura, Naitung 2 : Kawei ka trok BSF kaba don u number AS-01-KC-1775 kaba dei jongka 181 Battalion ka la rat ïa hynriew tylli ki kali rit hynne ka step ha ka por 11.30 ei ei ha Nahkham Bazaar ha nongbah Tura shwa ba kan kylla khongpong. Ha kane ka jingjia saw ngut ki briew ki la mynsaw jur kynthup ïa kawei ka longkmie.
Kine kiba mynsaw ki kynthup ïa u nongniah, u nongbud katei ka trok BSF, arngut ki riew paidbah k bad katei ka longkmie. Ka daw jongkane ka jingjia la ïathuh ba kane ka trok ka pheil brake tangba wat la katta ruh ki pulit ki dang ap ïa ki mechanic ban pynthikna ïa kane. Hadien kane ka jingjia la ujor ejahar ha Tura Police Station bad ki pulit ki la rejister case halor kane ka jingjia.
