Shillong, Jylliew 06: Ka Seng Samla Sohryngkham Pyllun kum ka dak ka jingrakhe ïa ka world Environment Day ka la pynlong da ka awareness program mynta ka sngi halor ka phang lane ka theme World Environment Day 2022 “One Earth”.
Ha kane ka Prokram, lla wan ban ïashim bynta shitrhem da ki 4 Tylli ki skul ba don ha Sohryngkham kita ki long ka Green Hills Hr. Sec. School, Mt.Zion sec. School, Presbyterian sec. School bad ka Sohryngkham Sec. School. Ha kane ka sngi shwa ban sdang la ïoh ïa ka jingduwai na u Bah Badapbor Nongbri Asstt. Secy Seng Samla. La pynïaid ïa ka prokram da u Bah High Star Mylliemngap Secy Environment bad Tourism, uba la maitphang 0239a kane ka phang ha kane ka sngi. Nangta la ïoh jingkren jinghikai na u Bah Fairly born Kharpran, Secy Seng Samla shaphang kumno ban sumar ïa ka mariang lyngba ka jingsumar ïa ki khlaw ki btap. La ioh ruh ka jingkren jinghikai na u Babu Wanbor Kharkongor uba la batai shaphang kiba bun ki bynta ha kaba ïadei bad ka jingsumar bad jingkhuid ïa ka mariang, bad hadien eh la ioh ruh k jingkren na u Bah Heaving Stone Kharpran u ophisar ba la shongthait na ka tnad Soil and Water Conservation, u la long u Kongsan.
U Kongsan haba ai jingkren u la iaroh ïa ka Seng Samla kaba la shimkhia ban pynlong ia kane ka awareness programme khnang ba ngin nang kumno ban ri ban sumar ïa ka mariang ia kaba la ai sngewbha da U Blei nongbuh nongthaw iïa u khun bynriew bad u la ban jur ba dei ban ri ban sumar ia ka mei mariang namar ngi don tang kane kawei ka pyrthei kaba ngi ki Khun bynriew kin im kin sah hangne bad na ka ta ka daw donkam ban sumar khuid ia kane ka mei mariang khnang ban ioh ka lyer bakhuid ba suba.
La pynkut ïa ka prokram ha kane ka sngi da ka jingkren ai khublei na u Bah Mutlang Kharduit, Treasurer ka Seng Samla.
ïa kane ka kyrwoh la phah da u Bah Larry Kharmalki President Seng Samla Shnong Sohryngkham Pyllun.
