Rakhe sngi burom ka SPARK bad ki khynnah duna ka ïoh ka kot bad ban pynkupbor ïa ki

Shillong, Naiwieng 14: Ka SPARK-Bringing Light to Lives, Meghalaya ka la rakhe ïa ka sngi burom ki khynnah bad kiba duna ka ïoh ka kot ha ki shnong bad ki sah ïingdara (slum) ka la long kaba kongsan ka sienjam ban ai ki lad jingïada ïa ki khynnah bad ka bha ka miat jong ki.
Une u mawmer u pynphalang ïa ka jingangnud ka SPARK ban pynthikna ba manla ki khynnah kin ïoh ïa ki hok, kin im ka jingim kaba don jingmut ha ka por ba ki dang khynnah, bad ba kin ïoh ka rynsan ba kin pynpaw ïa ki sur jong ki.
Lyngba kine ki jingpyrshang ki khynnah ym tang ba ki la shimbynta bha bad shim ruh ka bynta kum ki nongai ktien kiba peitngor, ban ïarap ban ïada ïa ki paralok na kano kano ka jingshah leh donbor. Kane ka jingrakhe ka ïeng kum ka sakhi kum ka dak ban ai ki jingïada ïa ki khynnah bad ban pynkupbor ïa ki ban ïaid shakhmat.
Kane ka sngi kadei ruh ka dak ka sngi nyngkong kum ka Child Safety Week, kaba la wanrah lang ïa ki spah ngut ki khynnah bad ban pynkupbor ïa ki da ki jingtip ïa ki hok jong ki bad ka bynta ba kongsan ha ka imlang sahlang, ka ïing ka sem, ki paralok, ha ki skul bad ka ri baroh kawei. Kane ka kam ba la shim, ka la wanrah ka jingmih jong ka jingïashim bynta kaba skhem bad ki jingkynthoh kiba bha na ki khynnah bad ka shnong ka thaw.
Kane ka prokram kaba shitaïew ka la long kum ka nongrim ban bteng ki jingïatreilang. Ki la don ki kam ba buddien ba la pynlong baroh shisnem kaba bha ha khmat ïa ki lad jingai jingïada ïa ki khynnah na kino kino ki jingshah pyndonkam bad ki jingshah thombor. Ka jingnangnud ka neh ha ka jingkyntiew ka lad jingïada ïa baroh ki khynnah, ka jingdon kyrdan bad ki hok jong ki.
Katkum ka kyrwoh na ka Shima Modak ka nongseng bad ka president ka SPARK-Bringiing Light to Lives, Meghalaya ka la ong ba ïa ka prokram la pynlong ha kiba bun ki jaka ha East Khasi Hills District bad ha Ri-Bhoi District kaba ka la don ka jingshim bynta jong kiba bun jong baroh kiba sngewkhia.