Rakhe ka World Mission India, Ri Bhoi ADP ïa ka sngi pyrshah ïa ka jingshah banbeiñ ki Khynnah

Nongpoh, Jylliew 13: Kum shi bynta ban dang ai jinghikai sha ki paidbah halor ka hok jong ki khyllung ki khynnah ba kim dei ban shah banbeiñ ha ki ïing ki sem ne ha ka imlang ka sahlang, ka World Vision India, Ri Bhoi ADP hynnin ka sngi baar jong ka taiew ka la rakhe ïa kata ka sngi kyrpang ba la tip kum kata ka ‘World Day Against Child Labour’ kaba dei kata ka ïaleh pyrshah ban pynduh jaid ïa ki jingshah banbeiñ ne ka jingshah thombor jong ki khyllung ki khynnah.
Ïa kane ka ‘World Day against Child Labour’ la pynlong ha ïing Dorbar Hall ka Shnong Kyrdem, ha kaba u Samla Lurshai L. Rympei,uba dei u Adviser ka Meghalaya Kick Boxing, Ri Bhoi kum u kongsan bad la sakhi lang ruh da ka jingdon lang u Project Officer ka World Mission India, Ri Bhoi ADP, u Anjan Sangma bad la pynlong ruh ïa kane ka prokram kaba jop da ka jingshim bynta ki khynnah skul jong ka School Kyrdem Presbyterian Secondary School bad ryngkat ki paidbah nongshong shnong ka Shnong Kyrdem lem bad ki Nongïalam Shnong ka Shnong Kyrdem.
Kum ban pynkynmaw, ka international Labour Organization ïa kaba la seng haka snem 1919, mynta la kynjoh sha ka jingïaid lynti ba 104 snem ka la pyrshang ban rat dyngkhong ïa ka Child Labor ne ka jingpyntrei beaiñ ïa ki khyllung ki khynnah ne kiwei kiwei ki kam ba shah banbeiñ ki khynnah bad phewse kane ka jingshah banbeiñ ki khynnah ym shym la lah ban pynsagneh bad dei ha u snem 2022 kum ka jingpyrshang ban rat dyngkhong ïa kane ka kam shah banbeiñ ki khynnah da ka jingioh jingbit na ka United Nation la sdang ban kymmaw ïa ka 12 tarik u Jylliew man la u snem kum kata ka ‘World Day against Child Labor’.
U Project Director ka World Mission India, Ri Bhoi ADP, u Anjan Sangma haa kren ha kane ka sngi u la ban khia halor ka hok ki khynnah ba aka jingpynbylla beaiñ ïa ki khynnah kiba hapoh ka 18 snem ka rta bad u la kren ruh halor ki saw tylli ki hok jong ki khynnah (1) Right to Survival (2) Right to Development (3) Right to Protection bad ka (4) Right to Participation ba ki khynnah ha kata kaba hapoh 18 snem shapoh ki dei ban ioh ïa kitei ki hok longbriew man briew.
Haba kren kum u kongsan ha kane ka sngi, u Samla Lurshai L. Rympei u la ong ba ka jingrakhe ïa kane ka World Day Against Child Labour ka long kaba don jingmu bad ka phangpdeng mynta u snem ka long “Social Service for all, End Child Labor” ha kaba u la kubur halor ka jingdonkam ban pynioh ïa ka hok ki khynnah halor kitei ki 4 tylli ki hok kumba ban khia da u project director ka World Mission India, Ri Bhoi ADP.
U la ong ruh haba ngi peit ïa ka pyrthei baroh kawei ka dewbah Asia bad Pacific Area ka wan ha ka kyrdan kaba ar ha ka jingdon jong ka Child Labor lane kata ka jingshah banbeiñ ki khyllung ki khynnah ka ba long kumba 7 % lane 9 ngut naka 10 ngut ki hap ha kata ka ‘Child Labor’ bad bynrap ruh ka long kaba sngewkmen haba phai pat sha ka imlang ka sahlang jongngi, ngi iohi ba kata ka ‘Physical Child Labor’ ka kham duna, khamtam ha kine ki sngi kiba mynta la jan baroh ki kmie ki kpa ki la phah skul ïa la ki jong ki khun, bad ki ioh ruh ïa ka hok jong ki kum ki khynnah bad don pat ha ngi ïa kawei pat ka jinglong beaiñ kaba long haka dur jong kata kaba ngi ong ka ‘suppression of mentality’ ne ka jingkhniot bor ïa ka sain pyrkhat jong u khynnah., u la bynrap.
Shuh shuh, u la bynrap ruh da kaba ong ba kane kadei kaba long shaid jia bha ha ka imlang sahlang ka jong ngi kaba ngi lah ban shem naduh ki rympei iing ki jong ngi, ka imlang ka sahlang, ka shnong ka thaw bad wat haduh ki skul. Ki khynnah kim ioh ka lad ban banpynpaw ïa ka jingsngewthuh ka jong ki ïa kiei kiei pynban la hikai ïa ki ban bud beit ïa ki jingsngew jong ki kmie ki kpa ne ki nonghikai katkum na ka jingiohi ka jong ki ne kata ka ‘perspective’ ka jong ki, u la bynrap shuh shuh.
Ha kane ka sngi la ioh ruh bansam ruh ïa ki khusnam sha ki nongjop jong ka drawing Competition kaba la pynlong ha ki lai tylli ki school, kata ka Kyrdem Presbyterian Secondary School, Klew Presbyterian secondary school bad St. Teresa secondary School Umket bad da ki spah ngut ki khynnah skul ki ki la shim bynta ban draw halor ka phang ending Child Labour (Ban sangeh ka jingpynbylla ïa ki khynnah).