Shillong, Nailar 05: Ka Supercare Hospital ka la rakhe ïa ka World Breastfeeding Day ha kaba la pynleit jingmut ïa ka jingdonkam ban ai buiñ da ka kmie bad kumjuh ruh ïa ka jingkoit jingkhiah ki khun.
Haba kren kum kongsan Dr RS Thangkhiew, Managing Director ka Supercare Hospital, la ïaroh ïa kane ka prorkam ai buiñ naba kane ka long kaba myntoi ïa ka jingim jong ki paidbah.
Ha kane ka sngi na ka liang ka hospital ka la pynlait ruh ïa ki jingbthah, ba la pynwandur da Dr Anamika Mall, Consultant Pediatrician and Neonatologist.
Kane ka booklet, lah ban ïoh pule ha ka ktien English bad Khasi, kaba thmu ban pynkupbor ïa ki longkmie, ki longïing longsem bad ki briew kiba don ha ka kam sumar sukher.
Na ka liang Dr Mall la banjur halor ka jingdonkam ban ai buiñ na ka bynta ki 6 bnai naba kane kan ïarap ïa ka jingheh jingsan ki khun ki kti.
Kane ka prokram ka la long kaba kongsan ha ka jingïateh ka Nurses Initiative for Community Empowerment (NICE) bad ka Association of Nurse Executives India (ANEI), ha kaba kane kan ïarap ban kyntiew ïa ka koit ka khiah ha ka jylla.
Halor kane ka Supercare Hospital ka la ong ba ka long kaba angnud ban kyntiew ïa ka koit ka khiah ha ka jylla da kaba shim ïa ki bun ki lad ki lynti.
