Shillong, Jylliew : Shi bynta ka jingrakhe ïa ka “International Day against Drug abuse and Illicit Trafficking 2022,” ka ophis jong ka District Social Welfare Officer, East Khasi Hills Shillong, hynne ka sngi ka la pynlong ïa ka Roadshow programme hapoh ïew Nongmensong, Shillong.
Ha ba aijingkren ha ka jingïalang, I Kong M.L Warjri, DCPO, District Child Protection Unit, East Khasi Hills, Shillong I la pynpaw halor ka jingthmu jong kane ka prokram da ka ba ong ba ka jingkyrni ha u drok lane ha kiwei pat ki jait jingdih pynbuaid ka la kylla long kum ka jingpang hapoh ka imlang ka sahlang.
Kumta ruh ka khot ïa ka jingïatreilang jong ki riew shimet, ki seng bhalang bad ki nongshong shnong baroh khnang ban lah ban rat diengkhong ïa kane ka jait jingpang na ka bynta ka bha ka miat jong ki samla bad ka imlang ka sahlang hi baroh kawei.
