Jowai, Risaw 15: Ka ophis District Social Welfare Officer, (DSWO) Jowai hynnin ka sngi kala rakhe ïa ka sngi kyrpang jong ki riew tymmen ne ka “International Day of Older Persons” ïa kaba la pynlong ha ka shnong Sohphoh Community Hall, West Jaiñtia Hills District.
Ïa ka jingïalang ha kane ka sngi la pynïaid da u Waheh Shnong ka Sohpoh ma Mutshwa Thabah. Na ka liang u ma Damechwa Dhar ula long kum u kongsan uba la pynsngew halor ka jingdonkam ban ai ka jingkyrshan ïa ki riew tymmen da ki lad jingsumar bad ki lad jingïada kiba biang eh.
Katba ka District Social Welfare Officer kong Y. Najiar, kala kren halor ka phang “Ageing with Dignity.” Kaba ong ba ki tymmen ki long kiba donkam eh ha longïing longsem kumta ka donkam bha ban ai ha ki ïa ka jingieit bad ka jingkyrshan ba pura.
I Dr. Y Sumer, ila kyntu ba ki riew tymmen halor ka donkam bha ban leit mih sha ki Health Centres kiba marjan khnang ban ïoh ka jingkoit jingkhiah ha ka jingim jong ki, la ong ruh na ka liang i Doctor bad ka kynhun jong i kila ju pynlong ïa ki lad ai jingsumar (examination) na ka bynta ki riew tymmen.
Shi bynta na kane ka prokram ka ophis jong ka District Social Welfare kala sam ruh ïa ki jingai sngewbha sha baroh ki riew tymmen kiba la wan sha kane ka prokram, ha kane ka jingïalang la ïoh ki kyntien ai khublei na u ma E. S. Kyndait, Dealing Assistant ka DSWO, Jowai.
