Jowai, Naiwieng 13: Ka ophis District Hub for Empowerment of Women (DHEW), Jowai ha ryngkat ka jingtreilang ka District School Education Officer (DSEO), West Jaiñtia Hills mynta ka sngi Balang 13 tarik u Naiwieng kila rakhe ïaka sngi kyrpang ki khynnah ‘Children’s Day’ ha District Library Mynthong, Jowai halor ka phang ‘Beti Bachao Beti Padhao’ ne “The Children of today will make the India of Tomorrow”, ha kaba u MLA ka Jowai uba dei Chairman of Meghalaya Urban Development Authority ma Wailadmiki Shylla ula long kum u kongsan.
Haba ai jingkren sha ki khynnah skul u ma Wailadmiki Shylla ula ai khublei kyrpang ïa ki khynnah skul ha kum kane ka sngi ba kyrpang jong ki, ula pynsngew ruh halor ka jingdonkam ban ïoh ïa ka jingnang jingstad, kumta u kyntu ïa ki khynnah skul ba kin long kiba trei shitom ban pule kot bad ban don ïa ka thong haka jingim, na ka liang u ma Wailad ula kren ruh shaphang kane ka phang da kaba ong ruh kaba donkam bha ïa ki khynnah kynthei ban ïoh lang ka jingnang jingstad.
Ula ai mynsiem shuh shuh ïa ki khynnah skul ba kin pyndonkam hok ïa ki lad jingïarap kiba lah ban ïoh mynta ki sngi dakaba bud ruh ïa ka nuksa ba bha jong kiwei, ha ka juh ka por ula kitbok ïa baroh ki khynnah kiba pynkhreh ïa ki Exam jong ki.
Ka kong B. Blah, Additional Deputy Commissioner, Jowai kala ong ka jingrakhe ïa kane ka sngi kyrpang ki khynnah haka 14 tarik u bnai Naiwieng ka long shi bynta ban kynmaw burom ïa u Pandit Jawaharlal Nehru, u Prime Minister ba nyngkong ka Ri India.
Ka kong A.P Syiem, kaba dei ka District School Education Officer, Jowai, bad ka kong Y. Najiar, District Social Welfare Officer District Nodal Officer DHEW, Jowai, kila ai ïa ki kyntien kyntu kynpham ïa ki khynnah skul ban kin nang kiew shaphrang ha ki jingpule.
Ka samla S. Lakiang, kaba long kum ka Beti Bachao Beti Padhao Ambassador, DHEW WJH, kala pynsngew shaphang ka jingïaid lynti jong ka haduh ba kala jop ïa ka jingïakhun WFF India 2023 Mr & Ms East India 2023 Zonal Body Building & fitness Champion kaba la dep long ha Ranchi Jharkhand bad kala jop ruh haka Mr and Mrs India 11th National Body Building & Fitness Champion 2023 ha R,B. Dangayach Auditorium, Jaipur Rajasthan.
Katei ka samla kala ai mynsiem lang ïa ki para khynnah skul ba ka kam ïalehkai Sports ka long kaba donkam eh ban ïoh ïa ka met kaba koit ba khiah bad ka jingwandur ka met ka phat, kumta ka kyntu jur kum ki khynnah skul ki dei ban nang bha ban bate ïa ka por ha ka jingim.
Ha kane ka prokram la sam ruh ïa ka khusnam sha ka samla S, Lakiang ryngkat bad kiwei de ki khynnah pule kiba la jop ïa ki jingïalehkai Sports bapher bapher.
Kine ki khynnah skul ki kynthup na ka North Liberty Higher Secondary School, Jowai kata Eriliting Pohshna (Class 10 B), Banteilang Sumer (Class 6) bad Idamaya Pyrtuh (Class 9 B) kiba ïashim bynta ha ka Junior Boys National Football Championship for DR B.C ROY TROPHY 2024-25 ha Narianpur, Chhattisgarh. Kumjuh ïa ka Deigracia Dan (Class 10 B), Eiladki Ksoo (Class 9 B) kiab ïashim bynta ha ka Junior Girls’ National Football Championship 2024-25 ha Belgaum, Karnataka.
Ka Nihaka Lamare na ka St. Mary Mazzarello Girl’s Higher Secondary School kaba la leh bha haka 5th Meghalaya Games ha Tura, Meghalaya, YONEX-SUNRISE NORTH EAST ZONE Inter State Badminton Championship – 2024 ha Guwahati, Assam bad ka 39 Meghalaya State Badminton Championship 2024 ha NEHU Campus, Mawlai, Meghalaya.
U Hameki Dhar na ka Government Boys Higher Secondary School ha ka Boys Judo jong ka 68th National School Games 2024-25 held ha Jammu, India. Ioh I Ksan Lyngdoh na Government Boys Higher Secondary School ha ka Athletic (200 meters) Boys U-17 67th National School Games 2023-24 kaba la long ha Patna, Bihar.
Ka Kongka Dkhar naka Jowai Presbyterian Higher Secondary School, Jowai ha ka XXI Meghalaya State Level Wushu Championship 2023, 27th Meghalaya State Level Kickboxing Championship, AITWPF 12th National Traditional Wrestling & Pankration Championship 2024 bad ka 9th Meghalaya Jeet Kune-Do State Level Championship 2024.
U Mar Emdor Kini Sutnga of KJP Presbyterian Synod Mihngi Higher Secondary School, Jowai haka outstanding performance jong ka kyrdan U-16 Buys Vijay Merchant Trophy, BCCI Domestic Cricket Tournament 2023-24 ha Cuttack bad Jamshedpur.
La pynkup burom kumjuh ïa ki khynnah skul kiba la wan shakhmat ha ka SSLC result kiba kynthup ïa u Dauniwan Sajem na Shangpung Presbyterian Higher Secondary School, Shangpung bad ka Hakiru Challam na St. Mary Mazzarello Girls’ Higher Secondary School, Jowai.
Ha ka HSSLC (Arts) 2024 ïa u Fredrique Gweneth Ryngkhlem, na North Liberty Higher Secondary School, Mookyrdup, Jowai, bad ka Monkynjailin Syngkon, na St. Dominic’s Higher Secondary School, Mawkyndeng.
Ha ka HSSLC (Science), 2024 ïa u Weibha Nongtdu Lakiang, bad u Joshaviah Onan Paswet, North Liberty Higher Secondary School, Mookyrdoop, Jowai.
