Shillong, Jylliew : Shi bynta ka rakhe ïa ka taïew pynneh pynsah ïa ka mei mariang 2022 (Meghalaya Environment Week 2022), ka ophis jong ka BDO Mawryngkneng C & RD Block hapoh ka jingpynïaid jong ka EFC (basin) Mawryngkneng C & RD Block ka la pynlong ïa ka jingthung tynrai dieng ha ka 4 tarik mynta u bnai ha St Francis De Sale Secondary School, Mawmang.
Ha kane ka sngi la ïa don lang ruh u MLA bad MDC ka Mawryngkneng constituency, u Bah Pyniaid Sing Syiem kum u Kongsan, Haba kren ha kane ka sngi u Bah Pyniaid Sing Syiem u la ong ba baroh ki jingdon jongem ha ka mei mariang ki long kiba ai jingim ïa ngi ki briew, kumta u la ong ngi dei ban pynneh pynsah ïa ki bad u da kyntu ruh ïa ki khynnah skul ba ki dei ban ri bad sumar bha ïa ki bad pynlong ruh ka jaka kaba khuid bad kaba jynrngam.
Kiwei pat ki ba la ai jingkren ha kane ka sngi kynthup ïa Kong A.R.Kynta, MCS, BDO Mawryngkneng C & RD Block, Fr. Priyor Khongsit, Principal jong ka skul, Sr. Elsitta Mathew, Vice Principal bad ki nonghikai kynthup ïa I Bah Ashra John Kharumnuid bad Bah Peter Lawai. La pynïaid ia kane ka prokram da Bah Albinus Nongkynrih, Asstt. Manager i/c EFC. Kiba don lang kynthup ïa I Kong Elizabeth Kharsati, Business Planner, EFC, Kong Phiba Rngikseh, Programme Associate EFC, ki nonghikai bad ki khynnah skul.
La pyniphuh iphieng ïa kane ka sngi da ka jingrwai bad ka jingshad na ki khynnah skul. Ka phang jong ka jingrakhe pyneh pynsah ïa ka mei mariang mynta u snem ka long “Ka long tang kawei ka Mei Mariang” ngi im ban pynneh pynsah ïa ka da kaba sumar sukher bad burom ïa ka.”
Kum shi bynta na kawei na ki jingrakhe pynneh pynsah ïa ka Mei Mariang, ka Ophis BDO Mawryngkneng C & RD Block ha ka jingpynïaid jong ka EFC (Basin) Mawryngkneng C & RD Block ka la pynlong da ka jingthung tynrai dieng ha ka shnong Mawlyngad ha ka 4 tarik mynta u bnai ïa kaba la khot “Community Action Day”.
Ha kane ka sngi la ïa donlang I Kong A.R.Kynta, MCS, BDO Mawryngkneng C & RD Block ha ka jingïadon bynta lang U Bah Zakhariah Kharmujai, Chairman jong ka Shnong, Bah Bill Clinton Wankhar, President Seng Samla Shnong, Bah Zend Avesta Kharmalki, Secretary Dong Mawlyngad, ki seng longkmie bad ki dkhot ka VEC Mawlyngad.
