Shillong, Nohprah :Ka Nehru Yuva Kendra Shillong ha ryngkat ka pyrthei shi tyllup kala rakhe ïa ka “International Volunteers Day” hynnin ka 5tarik Nohprah 2022 halor ka mat ‘Soliditary through Volunteering’ kaba la buh da ka United Nations ha une u snem ba mynta.
Ka jingrakhe ïa kane ka sngi kyrpang la pynlong ha ka shnong Umphyrnai ha ryngkat bad ka jingïatreilang bad ka Dongmusa Umphyrnai kaba long kawei na ki Youth Club ha katei ka Shnong.
Ha kane ka sngi la ïoh ban rakhe ha ryngkat ka jingdonlang u Deputy Director jong ka Nyk Shillong u Bah D. Rapsang kum u Kongsan ha ka jingïadon ryngkat lang ki National Volunteers jong ka Block Mawryngkneng bad i ASHA iba na ka shnong Umphyrnai Dymmiew.
Haba ai jingkren kum u Kongsan u Bah D.Rapsang ula kyntu bad pynshlur ïa ki samla ba kin long kiba kloi ban long ki Volunteer ha ki shnong bad ha kino kino ki bynta ba ka imlang sahlang bad ka Ri ka donkam. La ïoh ruh ban pynlong ïa ka Cleaning Drive Campaign kum shibynta ban rakhe ïa kane ka sngi ha kaba shibun bah ki khynnah bad ki samla ki la ïa shim bynta.Kane ka long katkum u kyrwoh lyngba u Bah Arbisstar Kharkongor President jong ka Club.
