Nongpoh, Jylliew 21: Shibynta ban wanrah ïaka met kaba koit ba khiah ban lait naki jingpang jingshitom da kaba pynmlien ban kilan met lane yoga, ka National Ayush Mission, Ri Bhoi District haka jingïatreilang bad ka ophis u Block Development Officer, Bhoirymbong C&RD Block mynta ka sngi kila shim bynta ban rakhe ïaka International Yoga Day ha Bhoirymbong.
Ha katei ka sngi la wan ruh ban shim bynta lang da ki nongïalam shnong, ki longkmielongkmie bala wan ruh ban ai jinghikai da i Dr. AC Mawthoh Naturopathy and Yoga bad Dr. Bila Chyrmang Ayush Hospital Bhoirymbong, haka jingdonlang u Dr Homeborn Lanong ba dei peit ïaka Ayush Hospital haka district.
Naka liang u Dr. CJK Warjri BDO ka Bhoirymbong C&RD Block u la iathuh ba ia katei ka jingrakhe iaka International Yoga Day la pynlong haki 18 tylli ki circle jong ka Bhoirymbong bala pyni ruh online ha man la ki circle bad lyngba katei ka jingrakhe ïaka Yoga Day ka long ruh ka jingkyrkhu bala ioh ban hikai khamtam ïaki longkmie kumno ban kilan met ban ioh ka met ba koit ba khiah, nalor ka jingdonkam ban pynneh pynsah ïaka mei mariang ban ioh ka lyer ring mynsiem kaba khuid.
