Shillong, Nailar 07 : Ka Meghalaya Athletics Association (MAA) katkum ka jingbthah jong ka Athletics Federation of India (AFI) ha ka sngi Saitjaiñ jong ka taïew ba dang shu dep ka la rakhe ïa ka sngi ba kyrpang jong ka jingïalehkai Javelin kaba hynñiew kaba la tip kum ka 7th National Javelin Day.
Katei ka jingrakhe ka long ruh shi bynta ban kynmaw ïa ka jingïoh khur takma ksiar u Neeraj Chopra ha ka Tokyo Olympic 2020. Ha kaeti ka sngi ka MAA ka la pynlong ka jingïalehkai kawang sum ba la pynlong ha SAI center Nehu ha kaba la wan ban ïashim bynta da 100 ngut ki athlete.
Ha kaba kut jong ka jingïalehkai la sam ruh ïa ki khusnam nongjop sha ki kyrdan ïalehkai ba kynthup naduh ka U-16 bad A-16. U Gunin Changmai ba dei peit ïa ka SAI shillong u la long kum u kongsan ha ka jingdon lang ki nongkitkam jong ka Meghalaya Athletics Association bad kiwei kiwei.
