Rakhe ka jylla ïa ka IDB da kaba pynlong ïa ki prokram bapher bapher ha U Soso Tham Auditorium

Shillong, Jymmang 22: Ka jylla Meghalaya ka la pynïasoh ïalade bad kiwei ki ri ka pyrthei ban rakhe ïa ka International Day for Biological Diversity (IDB) 2025 da ka State-level event ka prokram ba la pynlong ha U Soso Tham Auditorium. Ha kane ka snem ka phang jong kane ka jingrakhe ka long “Harmony with Nature and Sustainable Development”, kaba long kongsan hapdeng ka mariang kum ka biodiversity bad ki jingjop jong ka United Nations’ 2030 Sustainable Development Goals (SDGs).
Ha kane ka prokram la long kongsan da u H.C. Chaudhary, IFS, Principal Chief Conservator of Forests (Wildlife & Biodiversity), Forest & Environment Department, Meghalaya, bad kiwei pat kiba la ïashim bynta ki long Prof. S.K. Barik, Head of the Department of Botany ha NEHU; u Pawan K. Agrahari, IFS, Chief Conservator of Forests (Wildlife); bad u R. Nainamalai, IFS, Secretary ka sorkar jylla, ba khmih ïa ka tnat Forest & Environment, bad Member Secretary ka Meghalaya Biodiversity Board (MBB).
Kum shi bynta na kane ka jingrakhe na ka liang ki heh ki haiñ ki la pyllait ïa kiba bun ki tiar pynsngewthuh paidbah ba kynthup ïa ki poster bad ka Coffee Table Book ba la ai kyrteng “Caves of Meghalaya.” Kaba dei ka documentary film kaba batai halor ki jingjop ban pynneh pynsah ïa ka mariang ba la leh naduh ki por mynshwa da ka Biodiversity Management Committees (BMCs) ha ka jylla.
Ha kane ka sngi ka la don ruh ka presentation halor ka State Level Biodiversity Awards 2025, kaba ithuh halor ki kam ban pynneh pynsah ïa ka mariang bad ki jingriewspah jong ka, kaba dei hapoh ka “Best Biodiversity Management Committee” category, Mawtneng BMC na Bhoirymbong Block, Ri-Bhoi District, ki la ïohpdiang ïa ki jingithuh ba donburom.
Ka la don ruh ka jingai khusnam na ka bynta ka “Best Conservation and Sustainable Use of Bioresources” ba la aiti sha ka Phlangwanbroi BMC bad Kmawan Rum BMC, kiba dei na Mawsynram Block, East Khasi Hills District.
La ïoh ka jingkren na Secretary ka Mawtneng BMC ba la batai halor ka jingdonkam ban pynneh pynsah ïa ka mariang.
La ong ba naduh ba la buh ïa ka Meghalaya Biodiversity Board ha u snem 2012, ka jylla ka la rakhe ïa ka IDB ha ki District bad ha ka jylla hi baroh kawei ha kaba kane ka ïaid lang bad ki jingbthah ka pyrthei kum ka Kunming-Montreal Global Biodiversity Framework, ba la ting ha ka COP15 ha u Nohprah, 2022.