Shillong, Naiwieng 09: Ka IIM Shillong ka la rakhe ïa ka sngi seng jong ka, kaba 19 da ka phang “Shaping Futures, Serving Humanity.”
Kane ka prokram ka la wanrah lang ïa kiba bun ki dkhot jong ka Board, ki nongtrei bad ki samla pule bad ryngkat ruh ïa kiba la shah khot sngewbha.
Ha kane ka sngi la ïoh ka jingkren na Prof. Gautam Barua, Professor Emeritus, IIIT Guwahati, Director barim, IIT Guwahati & IIIT Guwahati.
Katba u Shishir Kumar Bajoria, Chairman ka Board of Governors, u la ïashim bynta lang ha kane ka prokram. Na ka liang u Nitin Sharma, Member ka BoG, u la kren shaphang ka jinglong kongsan jong ka pule puthi ha kane ka juk kaba mynta.
Katba Prof. Naliniprava Tripathy, Director (I/C), la batai halor ka jingsdang jong kane ka jaka pule da ka MBA programme kaba nyngkong ha u snem 2008 da kumba 63 ngut ki samla pule.
