Shillong, Jylliew :Ka Child Friendly Shillong, Bosco Integrated Development Society, Shillong, ha ka 13 tarik mynta u bnai ka la rakhe ïa ka “World Day against Child Labour” hapoh ïewMawlong Sumo Stand bad Khyndai Lad, Police Bazar.
Ka phang jong ka jingrakhe mynta ka snem ka long “Universal Social Protection to End Child Labour”. ïa kane ka prokram la pynlong ha ryngkat ka jingïatreilang bad ka St. Edmunds College, Shillong ,Social Work Department-PG (MSW), Faith Foundation, CHILDLINE Shillong bad ka ophis jong ka District Child Protection Unit, East Khasi Hills.
Shi bynta jong kane ka prokram na ka liang ki samla pule ki la ïashim bynta ha ki jingïalehkai ha ki surok ki ba pyni halor ka jingpyntrei ïa ki khynnah ki ba dang hapoh ka rta, kata ha ka jingiadon bynta lang da baroh ki kynhun ba ïashim bynta kum ka Child Welfare Committee, ka District Child Protection Unit bad kiwei pat.
Nalor kata la pynlong ruh ïa ka ‘Poster Campaign’ ne ka jingïalap lyngba ki jingthoh ha ki postar ha ka ba la pyrta pyrshah ruh halor ka jingpyntrei ïa ki khynnah.Shuh shuh ha kane ka sngi la sam ruh ïa ki kot lyngkdop ba la pynmih da ka ophis na ka Labour Commissioner sha ki nongleit nong wan bad sha ki paidbah ki ba sakhi ïa kane ka prokram.
