Shillong, Naiwieng 08 : Ka Bharatiya Janata Party (BJP) Meghalaya ha ka sngi Thohdieng ka la rakhe ïa ka jingdap 150 snem ka jingrwai ieid ri ka Vande Mataram kaba dei ka dak jong ka jingïakhun ka India ban ïoh ïa ka jinglaitluid bad ka jingïatylli.
Ha ka prokram kaba long ha Shillong la wan ban shim bynta da bun bha ki dkhot na kylleng ki bynta jong ka jylla ban ïa rwai lang ïa katei ka jingrwai kaba la niew burom da baroh kaba pyni ïa ka jingïatylli bad ka jingaiti lut na bynta ka Ri.
Na ka liang u President ka BJP, u Rikman G Momin u la ïathuh ruh ia ka dak kaba kongsan jong ka Vande Mataram kaba pyni shynna ia ka jingim jong ka India.
La ïoh ruh ïa ka jingkren ha kane ka sngi na u Nongaiktien ka Party u Bah Mariahom Kharkrang, u State Vice President Bah Khrawboklang Basaiawmoit, state secretary Daniella Nonglait, bad Minority Morcha president Gagan Jain.
